SpaceX және Tesla компанияларының негізін қалаушы Илон Маск Twitter әлеуметтік желісін 44 миллиард долларға сатып алды.
Twitter бас директоры Параг Агравал мен қаржы директоры Нед Сегал компания басшылығынан кетті. Дегенмен, Маск жаңа басшылықты жасақтағанға дейін компания басшысының міндетін атқарушы болады.
Twitter-ді сатып алу туралы мәміле жұмаға дейін жабылуы керек еді, әйтпесе Маск сотқа тартылар еді. Бейсенбіде бірнеше банк мәмілені қаржыландыру үшін қаражат аудара бастады.
Илон Маск АҚШ-тың бұрынғы президенті Дональд Трампты қоса алғанда, мазмұнды модерациялау ережелерін жеңілдетуге және бөгеттерді жоюға уәде берді.
Сәуір айында Маск компанияның 9,1% акциясын бірден 2,64 миллиард долларға сатып алып, Twitter-дің ең ірі акционері атанды. Осыдан кейін кәсіпкер қалған акцияларды сатып алуға дайын екенін айтты. Алайда шілде айында Маск компанияның оған платформада бар жалған аккаунттар туралы толық мәлімет бермегенін айтып, өз ойын өзгертті. Twitter өз кезегінде бизнесменді сотқа беруге ниетті екенін мәлімдеді, бірақ қазан айының басында Маск акцияның бақылау пакетін 44 миллиард долларға сатып алуға дайын екенін тағы да білдірді.
