АҚШ-тың Флорида штатындағы жағажайда сегіз адам найзағайдан жапа шекті, деп хабарлайды CNN телеарнасы
Телеарнаның хабарлауынша, зардап шегушілердің бірі ауруханаға жеткізілген сәтте жүрегі соғысы тоқтаған, дәрігерлер науқасты өмірге қайтарудың бар амалын қарастырып бағуда, қазір ол хал үстінде жатыр. Қалған жетеу жеңіл жарақат алған, үшеуі ауруханаға жатудан бас тартқан.
Деректерге қарағанда, зардап шегушілердің екеуі – шетелдік турист. Олардың қай елден келгендігі, ұлты әзірге ашып айтылған жоқ. Ал найзағай соққандардың үшеуі – суда серуендейтін мотоциклдерді жалға беретін фирманың қызметкерлері.
