Непалда бірнеше күн бұрын басталған жауын-шашыннан туындаған лай көшкіннен 43 адам қаза тапты. Бұл туралы Al Jazeera агенттігі хабарлады.
Тағы 24 тұрғыннын тағдыры беймәлім. Өңірде көлік қозғалысы тежелген. Көпірлер қирап, ғимараттар опырылып жатыр. Құтқарушылар тұрғындарды эвакуациялауға кірісті. Қауіпті аймақтарда мыңдаған адам бар. Синоптиктердің болжамы көңіл көншітпейді, соған қарағанда жауын әлі де жаууы мүмкін.
