Солтүстік және Оңтүстік Корея арасында теміржол қатынасы орнайды. Қос Корея алдымен солтүстіктегі 2 жарым мың шақырымға созылған жолды тексерістен өткізеді.
Бұған дейін Оңтүстік Корея солтүстікке отын мен шикізат тасымалдау үшін АҚШ пен БҰҰ тарапынан кей санкцияларды айналып өтуге рұқсат алған. Енді тасымал қатынасын іске асыру үшін жолдың түйісер жерін ретке келтіру қажет. Жалпы тексеріс жүргізуге екі апта уақыт кетеді.
24.kz хабарлауынша, екі жақ Пхеньян декларациясына сәйкес, жолды жөндеуге кіріседі. Жұмыстар жыл соңына дейін басталуы мүмкін.
