АҚШ президенті Дональд Трамп “Ислам мемлекеті” экстремистік тобының жетекшісі Әбу Бәкір әл-Бағдадидің “ізбасарының” өлгенін хабарлады.
Just confirmed that Abu Bakr al-Baghdadi’s number one replacement has been terminated by American troops. Most likely would have taken the top spot – Now he is also Dead!
— Donald J. Trump (@realDonaldTrump) October 29, 2019
Трамптың пікірінше, әскери операцияның нәтижесінде өлген ДАИШ жетекшілерінің бірі әл-Бағдадидің ықтимал мұрагерлерінің бірі болған.
Трамп содырдың аты-жөнін атамады. Ол сонымен бірге операцияның жай-жапсарына да тоқталмады.
27 қазанда Дональд Трамп АҚШ әскерилерінің Сирияда арнайы операция өткізіп, “Ислам мемлекеті” экстремистік тобының жетекшісі әл-Бағдадидің өзін және жанында бірнеше баланы жарып жібергенін хабарлаған. Операция Сирияның Идлиб провинциясында өтті. Оған әуе және құрлықтағы әскер қатысқан.
