Әр мемлекетте демалыс күні қанша

Қазақстандықтар 2018 жылы 119 күн демалады. Алдағы Конституция мерекесі және Құрбан айтқа орай тамыз айында жалпы есепте отандастар 10 күн демалады.

Қазақстан Республикасында атап өтілетін негізгі мереке күндерін есепке алғанда:

ұлттық мереке:

16-17 – желтоқсан – Тәуелсіздік күні;

мемлекеттік мерекелер:

1-2 қаңтар – Жаңа жыл;

8 наурыз – Халықаралық әйелдер күні;

21-23 наурыз – Наурыз мейрамы;

1 мамыр – Қазақстан халқының бірлігі мерекесі;

7 мамыр – Отан қорғаушы күні;

9 мамыр – Жеңіс күні;

6 шілде – Астана күні;

30 тамыз – Қазақстан Республикасының Конституциясы күні.

1 желтоқсан – Қазақстан Республикасының Тұңғыш Президенті күні

сондай-ақ,мұсылман күнтізбесі бойынша атап өтілетін Құрбан айттың бірінші күні, 7 қаңтар – православиелік Рождество күні де демалыс күндері болып саналады. Жалпы есепте ұлттық және мемлекеттік мейрамдар күнін сондай-ақ, дін аралық татулықтың үлгісі саналатын Құрбан айт және Рождество мейрамдарын қоса алғанда  еңбек демалысы мен жексенбі күндерін есепке алмағанда Қазақстанда 16 күн ресми түрде демалыс бар. Қазақстанда еңбек демалысының ұзақтығы заңға сәйкес 24 күнді құрайды. Жалпы есепте қазақстандықтар ресми түрде жылына 40 күн демалады.  Өзге шет мемлекеттер  жексенбі күндерін есепке алмағанда неше күн демалады? Салыстырып көрелік.

Мәселен, АҚШ-та еңбек демалысы заңды тұрғыда қарастырылмаған, әр компания, орган өз қызметкерлерінің демалыс күндерін өздері есептеп береді. Сондай-ақ Құрама Штаттарда ресми мереке күндері де заң тұрғысында демалыс күні деп қарастырылмайды.

Ұлыбританияда ресми мереке күндері – 8, еңбек демалысы – 28 күн. Жалпы есепте британиялықтар жылына ресми түрде 36 күн демалады.

Канадалықтар британиялықтардан қарағанда мейлінше аз демалады. Канадада ресми тойланатын мейрамдар саны – 6, еңбек демалысы 10 күнді құрайды. Жалпы есепте канадалықтар ресми түрде жылына 16 күн демалады.

Данияда бір қызығы мемлекеттік деңгейде тойланатын мереке күндері жоқ, ал еңбек демалысына 25 күн беріледі.

Аустралияда мереке күндері – 10, ал еңбек демалысы – 20 күнді құрайды. Жалпы есепте аустриялықтар жылына 30 күн демалады.

Қытай жылына ресми түрде 16 күн демалады. Аспан асты елінде мейрамдар саны – 5, еңбек демалысына 11 күн беріледі.

Германияда мейрамдар күні – 9, еңбек демалысы 20 күнді құрайды. Жалпы есепте немістер жылына 29 күн демалады.

Сингапурлықтар ресми түрде жылына 18 күн демалады, мейрамдар саны – 11, еңбек демалысы 7 күнді құрайды.

Голландия да дәл Даниядағыдай мейрамдар күні жоқ. Ал еңбек демалысына 20 күн беріледі.

Мексикалықтар ресми түрде жылына 12 рет демалады. Еңбек демалысы 5 күнді құраса, мейрамдар күні – 7.

Француздар ресми түрде жылына 36 күн демалады. Мұнда еңбек демалысына 25 күн беріледі, ал мейрамдар күні – 11.

Үндістанда мейрамдар саны – 15 күн, еңбек демалысы – 12 күн. Жалпы есепте үнділер жылына 27 күн демалады.

Испанияда мейрамдар күні – 11, еңбек демалысына 7 күн беріледі. Жалпы есепте испандықтар жылына 18 күн демалады.

Бразилия жылына ресми түрде 30 күн демалады. Еңбек демалысы 22 күнді құраса, мейрамдар саны – 8.

Ресейде мейрамдар күні – 12, еңбек демалысына 20 күн беріледі. Жалпы есепте көршілес ресейліктер 32 күн демалады.

Сафина Саид