Кеше 9 ақпан мемлекет басшысы Нұрсұлтан Назарбаевтың қатысуымен кеңейтілген үкімет отырысы өтті. Отырыс барысында Үкіметте атқарылған жұмыстар бойынша есеп беріліп, өткен жылдың қорытындысы шығарылды, алдағы жоспарлар мен міндеттер айқындалды. Дәл сол күні Үкіметте ауыс-түйіс те орын алды. Мемлекет басшысының жарлығымен Еңбек және халықты әлеуметтік қорғау министрі болған Тамара Дүйсенова қызметінен босатылып, аталған лауазымға Мәдина Әбілқасымова тағайындалды.
«Саясат» порталы отандық мемлекеттік лауазымдағы қайраткерлердің рейтингісін жариялады. 21 сарапшы лауазымдағы шенеуніктерді қызмет ететін саласындағы нәтижелілігі мен президенттің міндеттеген тапсырмасын орындаушы бойынша бағалап, әрбір критерийге 1-10-ға дейін баға белгілеген.
