2017 жылы қыркүйек айының 16-сы мен 27-ші жұлдызында Түркіменстан астанасы Ашхабадта жабық кешендегі Азия ойындары өтеді.
Азия ойындарында елімізден 113 спортшы бақ сынайтын болады, деп хабарлайды «Хабар 24» телеарнасы. Аталмыш жарыста жеңіл атлетикадан олимпиада чемпионы Ольга Рыпакова да сынға түседі.
«Бұл ойында жеңіл атлетиканың екі түрінен сынға түсетін боламын. Бірі ұзындыққа секіруден болса, енді бірі аттап секіруден. Алдағы мақсатым Азия ойындарында көк туымызды биікке желбірету», дейді Олимпиада чемпионы Ольга Рыпакова.
Жадыра Аманбайқызы
