Былтыр Қазақстан спорт саласында негізгі капиталға салынған инвестиция 7,4 млрд теңгені құрады, бұл бір жыл бұрынғыдан 1,7% көп.
Ең көп қаражат спорт нысандарын пайдалануға жұмсалған: 4,6 млрд теңге, бір жылдағы өсім 9,2%. Фитнес клубы қызметіне күрделі салым 1,6 млрд теңгені (39% азайған), спорт клубтарының қызметіне 669,6 млн теңгені (2,1 есеге көбейген) құрады.
Өңірлер бойынша Астана көш басында: 3,1 млрд теңге, бір жылда 17,8% көбейген. Одан кейін Алматы (2,2 млрд теңге, бір жыл бұрын 576,8 млн теңге болған) және Қостанай (546,3 млн теңге, 13,6% көбейген) облыстары.
Өткен жылы қаңтар-қыркүйек қорытындысы бойынша, қазақстандық компаниялар спорт саласында 166,3 млрд теңгеге қызмет көрсетті, бұл бір жыл бұрынғыдан 30,1% көп. Оның ішінде ауылдарда сала бойынша қызмет көрсету көлемі 10,1 млрд теңгені құраған.
Соның ішінде спорт нысандарын пайдалану саласындағы қызмет бір жылда 16% өсіп, 26 млрд теңгеге, спорт клубы қызметі – 16,4%, 27,4 млрд теңгеге көбейсе, фитнес клуб қызметі 12,7%, 26 млрд теңгеге дейін төмендеді.
Халыққа 30,6 млрд теңгенің, оның ішінде ауылдық жерлерде 451,3 млн теңгенің қызметі көрсетілді.
Өңірлер бойынша спорт саласындағы қызметтің ең көп көлемі Астанаға тиесілі: 41,8 млрд теңге – бір жыл бұрынғыдан ақшалай 28,4% көп. Алматы (41,6 млрд теңге), Қарағанды облысы (11,1 млрд теңге) және Шымкентті (9,8 млрд теңге) де спортсүйер өңірлер деп атауға болады.
Спорт саласында ең аз қызмет Ұлытау, Абай және Қостанай облыстарында көрсетілген.
