27 қараша күні Англияның “Манчестер Юнайтед” клубының футболшылары мен бапкерлері Нұр-Сұлтанға келді. Команда ертең Еуропа лигасы аясында “Астанамен” ойнайды. Бұл туралы kazfootball.kz сайты хабарлады.
“МЮ” командасы мінген ұшақ Назарбаев халықаралық әуежайына жергілікті уақытпен таңғы 4:20-да келіп қонды. Команданың жанкүйерлері де бірге келген.
Айта кетейік, Англиялық команда ойынға үшінші құраммен келген.
“Астана” – “Манчестер Юнайтед” матчы 28 қараша күні 21:50-те басталады. Ойын QazSport телеарнасында тікелей эфирде көрсетіледі.
Қазақстанға келген “Манчестер Юнайтед” ойыншылары:
Қақпашылар: Ли Грант, Матей Ковар;
Қорғаушылар: Люк Шоу, Макс Тейлор, Аксель Туанзебе, Теден Менги, Дишон Бернард, Итан Лейрд;
Жартылай қорғаушылар: Джесси Лингард, Дилан Левитт, Итан Галбрейт, Арнау Пуигмал, Джеймс Гарнер, Тахит Чонг, Эйнджел Гомес;
Шабуылшылар: Мейсон Гринвуд, Ларджи Рамазани, Д’Мани Бугейл-Меллор.
