Қазақстанның бұрынғы президенті Нұрсұлтан Назарбаевтың қызы мен немересінің Лондонда бірнеше үйі бар. Бейкер көшесінде орналасқан осы үйлердің бірінде Артур Конан Дойлдың роман циклінің ойдан шығарылған кейіпкері Шерлок Холмс “өмір сүрген”. Бұл туралы Times басылымына сілтеме жасап centralasia.media хабарлады.
Кейінгі бірнеше жылда Бейкер көшесіндегі, 221b үйдің иесі туралы әртүрлі қауесет тараған. Журналистер Назарбаев отбасының Бейкер-стрит бойынша 215-тен 237-ге дейінгі пәтерлерге иелік ететінін анықтаған. Мүліктің жалпы құны шамамен 140 миллион фунт стерлинг (шамамен 80 миллиард теңге). Мүліктің 90%-ы Дариға Назарбаеваға, ал 10%-ы оның ұлы Нұрәлі Әлиевке тиесілі.
Қазір жылжымайтын мүлік пен жер Fairmont Baker Street Limited компаниясының атында. Компания мүлікті 2005 жылы 140 миллион фунтқа (185 миллион доллар) сатып алған.
Көктемде Ұлыбритания билігі Назарбаева мен Нұрәлі Әлиевке тиесілі жылжымайтын мүлікті арестке қойған. BBC мәліметінше, олар екі үй мен пәтерді үш офшор арқылы 100 миллион долларға сатып алған.
Маусым айында Мәскеуде құны 230 миллион рубль тұратын пәтердің Назарбаеваға тиесілі екені белгілі болды.
Дариға Назарбаева – Қазақстанның бірінші президенті Нұрсұлтан Назарбаевтың үлкен қызы. Ол 2019-2020 жылдары сенат спикері лауазымында болған.
