5 ақпан күні Қостанай, Павлодар және Шығыс Қазақстан облыстарында қатты аязға байланысты мектептерде сабақ уақытша тоқтады.
Павлодар аймағында ауа температурасы -33 градус болып, желдің жылдамдығы секундына 4 метрге жеткен. Жергілікті білім департаменті облыс мектептерінде алғашқы ауысымда оқитын 1-11 сыныптарда сабақ болмайтынын хабарлады.
Қостанай облысында бірінші ауысымда оқитын 0-9 сыныптарда сабақ тоқтаған. Өңірде ауа температурасы -20-30 градусқа дейін суып, желдің екпіні секундына 18 метрге дейін жетеді деген болжам бар.
Азаттық радиосының хабарлауынша, Шығыс Қазақстан облысындағы Семей және Алтай қалаларында бірінші ауысымда оқитын 1-9 сынып оқушыларына сабақ болмайды. Аталған өңірде ауа температурасы -27 градус болып тұр.
5 ақпанда күшті жел тұруына байланысты Астана-Щучинск және Астана-Атбасар жолдары жабылды. Желдің жылдамдығы секундына 20 метрге жеткен.
Ауа райын болжау қызметі Қазақстанның кей аймағында ауа температурасы –45 градусқа дейін төмендеп, қарлы боран соғады деп ескерткен.
