Ресей Украинаға басып кіргелі елде 11 миллион 276 мың адам үйін тастап кетуге мәжбүр болған. Бұл туралы Миграция жөніндегі халықаралық ұйымның 1 сәуірге дейін жиналған есебінде жазылған.
Оның ішінде 7,1 миллионы Украинаның соғыс жүріп жатқан аймағынан қауіпсіздеу аймақтарға көшкен. Көбіне адамдар елдің шығыс, солтүстік және оңтүстік облыстарынан орталық және батыс облыстарға қарай қашқан. Шетелге кеткені 4,1 миллионнан асады.
