Бейсенбі 16 қараша күні The Daily Mail британ газеті келесі аптада Сауд Арабиясының Королі Салман ұлы Мұхаммед бен Салманның пайдасы үшін биліктен кететіні туралы хабар таратты.
81 жастағы Король мемлекеттік істерден кетеді, дегенмен оның құрметті атақтары сақталады. Елдегі бар билік қараша айынан бастап жемқорлыққа қарсы ірі операция жүргізген 32 жастағы Мұхаммед бен Салманға өтеді деп хабарлайды.
Атап өтерлігі, жақында Сауд Арабиясында Король әулетінің 40 ханзадасы мен бірнеше биліктегі министрлер тұтқындалды, бір ханзада ажал құшты.
Жемқорлық деп айып тағылғандар қазір Эр-Риядтағы Ritz Carlton қонақ үйінде тұтқында.
Сабина Сайлаубай
