«Самұрық-Қазына» Ұлттық әл-ауқат Қорында» АҚ басқарушы директорлары мен құрылымдық бөлімшелердің саны екі есеге азайды, деп хабарлайды қордың баспасөз қызметі.
Жаңа құрылымға сәйкес, басқарушы директорлар саны 10-нан 5-ке дейін, департаменттер мен құрылымдық бөлімшелер саны 37-ден 27-ге дейін қысқартылды және басқарма төрағасының орынбасары қызметіне бір штаттық бірлігі енгізілді.
Өзгеріс мақсаты – басқарудың оңтайлылығы мен тиімділігін арттыру. “Самұрық-Қазына” қорының трансформациясы процесіне терең үңілу, активтерді басқаруда сатылы құрылым енгізу және қор құрамына кіретін ұлттық компаниялардың экономикалық тиімділігін арттыру.
Жаңа құрылым биыл 11 қаңтардан бастап қызметіне кіріседі.
