АҚШ лаңкестік ұйыммен күресте жаңа операция бастады

АҚШ Сирияда «ДАИШ»* лаңкестік ұйымының соңғы бекеттерін босату бойынша операцияға кірісті. Бұл ақпарды АҚШ мемлекеттік департаментінің ресми өкілі Хизер Науэрт өзінің Twitter парақшасында хабарлады.

The United States, @coalition, & local partners, including Syrian Democratic Forces, are launching operations to liberate the final #ISIS strongholds in #Syria. The days of ISIS controlling territory & terrorizing the people of Syria are coming to an end. https://t.co/juPAHRYAUd

— Heather Nauert (@statedeptspox) May 1, 2018

Ресми өкілдің сөзінше, операцияға Құрама Шттатар басқаратын коалиция мен «жергілікті серіктестер», соның ішінде Сирия демократиялық күштері ат салысады.

«Күрес қиын болмақ, бірақ біз және серіктестеріміз жеңіске жетеміз»,

– деп хабарланады ресми мәлімдемеде.

Науэрт АҚШ «ДАИШ»* лаңкестік ұйымынан Түркия, Израиль Иордания, Ирак, Ливан шекарасын қорғауға ниетті, сондай-ақ сүннит, күрд, христиан және т.б дін өкілдерінің Сириядағы еркін ерік-жігерін қамтамасыз етпек. Бұдан өзге Құрама Штаттар Сирияда шешімін таппаған гуманитарлық мәселелерді шешуге «халықаралық ресурстарды» тартуға ниетті.

30 сәуірде халықаралық коалиция Иракта «ДАИШ-қа»* қарсы негізгі ұрыс қимылдарының мәресіне жеткенін хабарлады. Сол күні Бағдадта коалицияның штаб-пәтерінің ашылу салтанаты өтті.

*ДАИШ – 15 қазан 2015 жылы қабылданған сот шешімі бойынша, елімізде тыйым салынған террористік ұйымдар қатарына енді.

Сафина Саид