27 наурыз күні Түркістанда “Қазақстан медиаторларының қауымдастығы” заңды тұлғалар бірлестігінің татуласу орталығы ашылды. Бұл туралы ҚР Жоғарғы сотының баспасөз қызметі хабарлады.
Түркістан облыстық сотының азаматтық істер жөніндегі сот алқасының төрағасы Түгел Бекимбетов Орталықтың татуластыру рәсімдерін танымал етуге және дауларды сотқа дейінгі және соттағы татуласу арқылы шешуге бағыт ұстайтынын атап өтті.
Қазақстан медиаторлары қауымдастығының президенті Дана Кенжеғұлова Орталық жұмысының кәсіпқой медиаторлар мен заңгерлерге тұрақты негізде қызмет көрсетуге, олардың жанжалдасушы тараптар арасындағы дауларды сотқа дейін шешуіне септігін тигізуге бағытталатынын атап өтті.
Орталықтың жарық та жайлы кабинеттері қолайлы жиһазбен, ұйымдастыру техникасымен жабдықталған. Қабырғаларында медиацияның артықшылықтары туралы ақпарат беретін материалдар орналастырылған.
