19 қаңтар сәрсенбі күні Нидерландта футзалдан ұлттық құрамалар арасындағы Еуропа чемпионаты басталды. Турнир 19 қаңтар мен 6 ақпан аралығында Амстердам және Гронинген қалаларында өтеді.
Турнир А тобындағы құрамалардың матчымен басталды. 19 қаңтарда әлем чемпионы Португалия мен Сербия ойнап, 4-2 есебімен еуропалық бразилиялықтар жеңіске жетті. Ал одан кейін алаң иелері Украина құрамасын 3-2 есебімен тізе бүктірді.
Қазақстан құрамасы В тобында өнер көрсететін болады. Топтағы қарсыластары Италия, Словения және Финляндия құрамалары болады. Ұлттық құрама алғашқы ойынын бүгін, 20 қаңтар сағат Нұр-Сұлтан уақытымен 22:30-да Словенияға қарсы өткізеді.
20 қаңтар: Қазақстан – Словения
25 қаңтар: Финляндия – Қазақстан
28 қаңтар: Қазақстан – Италия
Топтық кезеңдегі ойындар 29 қаңтарда аяқталады. 1/4 финалдық ойындар 31 қаңтар мен 1 ақпанда, жартылай финал 4 ақпанда, ал финалдық және қола медаль үшін ойындар 6 ақпанда өтеді.
Айта кетейік, Қазақстан құрамасы топтан бірінші орынмен шықса 1/4 финалда А тобын екінші орынмен аяқтаған құрамамен ойнайды. Егер топтық кезеңді екінші орынмен аяқтаса А тобының үздігімен кездеседі.
