Қазақстандық боксшы Садриддин Ахмедов жастар арасындағы WBC чемпиондық белбеуін жеңіп алды.
Ол Канаданың Монреаль қаласында өткен кәсіпқой боксы кешінде мексикалық Абрахан Хуареспен бокстасты. Он раундтан тұрған жекпе-жек бес раундқа жетпей аяқталды. Мексикалық боксшы қатарынан екі рет нокдаун алған соң төреші жекпе-жекті тоқтатты.
Азаттық радиосының хабарлауынша, бұған дейін 14 желтоқсанда Садриддин Ахмедов мексикалық қарсыласы Элиуд Мелендес Рочуды жеңген.
Бұл – 20 жастағы Ахмедовтің кәсіпқой бокстағы жетінші кездесуі. Ол бұған дейінгі кездесулерінің бәрінде жеңіске жеткен.
