Ташкент облысындағы «Ангрен» таулы полигонында екі елдің әскерилері тактикалық-арнайы оқу-жаттығу өткізді, деп хабарлайды Kazaknews.kz Ақпараттық агенттігі.
Оқу-жаттығудың жоспары есірткі тасымалдаушыларға, контрабандашыларға қарсы іс-қимылға бағытталған.
Оқу-жаттығу барысында шекара маңындағы аудандардағы заңсыз қарулы құралымдарды анықтау және оларды жою жөнінде арнайы операция жүргізген.
Қазақстан тарапынан оқу-жаттығуға армия және әскери-көліктік авиация бөлімшелерінен, Парашюттік даярлық орталығының мамандарынан барлығы 60 әскери қызметші барған.
