Токио Олимпиадасында аса ауыр салмақта (+91кг) Қамшыбек Қоңқабаев жартылай финалда америкалық боксшы Ричард Торреспен кездесіп, техникалық жеңіліс тапты.
Қамшыбектің 3 раундта тұмсығы жарылып кетіп, қан тоқтамауына байланысты төрешілер кездесуді Ричард Торрестің есебіне тоқтатты. Осылайша боксшы Қамшыбек Қоңқабаев Қазақстанға олимпиададағы 4-қола медальді әкелді.
Енді Ричард Торрес пен өзбекстандық Баходир Джалолов финалда алтын үшін айқасады.
Айта кетейік, Қамшыбек Қоңқабаев 1/8-ші кезеңде мысырлық Юсри Хафезді сенімді ұтқан. Одан кейін 1/4 финалда Ресейдің екі дүркін чемпионы Иван Верясовты жеңді.
 Қамшыбек Қоңқабаев жартылай финалда америкалық боксшы Ричард Торреспен кездесіп, техникалық жеңіліс тапты.){kind=link}