24 қазан түнде Абу-Дабиде (БАӘ) UFC аралас жекпе-жегінің 254-ші турнирі өтеді. Бұл туралы UFC ресми сайтында жариялады.
Қазақстандықтар Сергей Морозов (16-4) пен Шавкат Рахмонов (12-0) осы турнирде өздерінің алғашқы жекпе-жегін өткізеді.
Шавкат Рахмонов алғашқы жекпе-жекте бразилиялық Алекс Оливейрамен (22-8-1-2) кездеседі. Олар сегізбұрышқа (октагон) 24 қазан күні Нұр-Сұлтан уақытымен 22:00 шамасында шығады.
Ақтөбелік Сергейдің басты қарсыласы атақты Хабиб Нурмагомедовтің інісі Омар Нурмагомедов болған еді. Алайда Омар денсаулығына байланысты ауруханаға жатқызылып, қазір Сергейге қарсылас ізделіп жатыр. Сергей Морозовтың жоспар бойынша жекпе-жегі 24 қазан күні Нұр-Сұлтан уақытымен 20:30-да өтуі тиіс.
UFC 254 басты жекпе-жегі ресейлік Хабиб Нурмагомедов пен америкалық Джастин Гэтжи арасында өтеді. Жеңгені жеңіл салмақтағы UFC чемпионы белдігіне ие болады. Оның қазіргі иесі ресейлік Хабиб Нурмагомедов. Турнирдің басты жекпе-жегі сағат Нұр-Сұлтан уақытымен шамамен 00:00-де өтеді.
 UFC аралас жекпе-жегінің 254-ші турнирі өтеді. Бұл туралы UFC ресми сайтында жариялады. ){kind=link}