Дональд Трамптың жақтастары, ресми түрде Джо Байденнің сайлауда жеңіске жеткенін мақұлдау кезінде Конгресске шабуыл жасады. Бұл туралы truestory.kz телеграмм каналы хабарлады.
“Жарты әлем ұйқыда жатқанда АҚШ-та Бішкек төңкерісінің сценарийі қайталанды. Наразылық білдірушілер мәжіліс залына баса-көктеп кіріп, оқиға орнына келген журналистердің техникаларын сындырған. Ғимараттағы жұмысшыларды эвакуациялау жұмысы жүргізілген. Кейін ФТБ (FBI) қызметкерлері бірнеше жарылғыш құрылғыларды тауып, залалсыздандырған”, – делінген хабарламада.
Наразылық кезінде бір әйел адам күзетші оғынан жараланған. Кейін оның қайтыс болғаны жөнінде хабар шықты.
Байден мен Трамп үнсіз қалмай халыққа үндеу жасады:
“Бүкіл әлемде америкалық жүйе бостандық үшін бағаланған, ал қазір оған қауіп төніп тұр” – деді Джо Байден.
Ал Трамп, өз жақтастарына полицияға көмектесіп, және наразылықты тоқтатып үйлеріне қайтуын сұрады. Қазіргі таңда Twitter Дональд Трамптың парақшасын бұғаттап тастаған.
Ұлттық гвардияның араласуымен наразылық басылып, ғимараттағылар шығарылды. Қазір Колумбия округінде коменданттық сағат енгізілді.
