Елордада «Бәйтерек» монументінің алдындағы алаңда 1 мамыр – «Қазақстан халқының бірлігі» мерекесіне орай ұйымдастырылған «Ұлы дала үні» атты домбырашылар флешмобы өтті.
Оған Қазақстанның түкпір-түкпірінен келген, қазақтың қара домбырасын серік еткен өнерпаздар қатысты. 500 домбырашыдан құралған оркестр Құрманғазының әйгілі «Сарыарқа», «Адай», «Құрманғазы» күйін орындады. Флешмобқа қатысушы ең жас орындаушы- 10 жаста болса, ең үлкені 74 жаста.
