Есенғазы Иманғалиев Қарағанды облысының Білім басқармасының бастығы болып тағайындалды, деп хабарлайды Қарағанды облысы әкімдігінің баспасөз қызметі.
12 жылдан бері білім бөлімінің меңгерушісі, 2001 жылдан бастап 2013 жылға дейін білім және ғылым вице-министрі қызметін атқарған Иманғалиев үшін бұл лауазым таңсық емес.
Қарағанды облысы әкімдігінің баспасөз қызметінің мәліметінше, Есенғезы Иманғалиев жаңа қызметіне тағайындалғанға дейін Назарбаев Зияткерлік мектептерінде басқарушы директор қызметін атқарып келген.
Аппараттық кездесуде Қарағанды облысының әкімі Ерлан Қошанов Иманғалиевті таныстыра отырып, оның білім саласында кең тәжірибеге ие екенін атап өтті.
Облыс әкімі «Есенғазы Нұртілеуұлын осы лауазымға қайта оралуға өзім шақырдым. Орталық мемлекеттік органдарда жинақталған тәжірибесі біздің аймақтағы білім беру саласында инновациялар мен оң өзгерістер жасауға мүмкіндік беретініне сенімдімін», – деді.
Әкімшіліктің баспасөз қызметінің хабарлауынша, Есенғазы Нұртілеуұлы Иманғалиев 1984 жылдан 2001 жылға дейін оқытушы, директордың орынбасары, содан кейін Балқаш қаласындағы СПТУ директоры қызметін атқарған.
Облыстық білім беру басқармасының бұрынғы басшысы Асхат Аймағамбетов ағымдағы жылдың тамыз айында білім және ғылым вице-министрі болып тағайындалатын болады.
Жадыра Аманбайқызы
