ҚР қорғаныс және авиация саласы министрі Бейбіт Атамқұлов Барселонаға жұмыс сапары барысында Испанияның қорғаныс министрі Мария Долорес де Коспедаль Гарсиямен кездесті, деп хабарлайды ҚазАқпарат.
Келіссөздер барысында бірлескен жобаларды іске асыру және қорғаныс өнеркәсібі кешені испаниялық компаниялармен одан әрі ынтымақтастықты дамыту перспективалары талқыланды.
ҚР Қорғаныс министрлігінің делегациясы «Airbus Defence and Space» компаниясының Испания испандық бөлімшесінде болды, онда қазақстандықтар қазіргі уақытта Қазақстан Республикасының Қарулы Күштерімен жұмыс істейтін С-295 ұшақтарының өндірісімен танысты.
Сондай-ақ қазақстандық делегация радарлық жүйелер мен әуе шабуылына қарсы қорғаныс жүйелерін, киберқауіпсіздік, ғарыш және цифрлық технологиялар саласындағы мәселелер бойынша бірлескен өндіріс туралы «INDRASistemasS.A» компаниясының басшылығымен келіссөздер жүргізді.
Келіссөздер қорытындысы бойынша қазақстандық делегация испан қорғаныс өнеркәсібінің испан компанияларын 2018 жылдың 23-26 мамырында Астана қаласында өтетін V халықаралық қару-жарақ пен әскери-техникалық мүлік KADEX көрмесіне қатысуға шақырды.
Жадыра Аманбайқызы
