Қазақстан Республикасының тұңғыш президенті-Елбасы Нұрсұлтан Назарбаев “Нұр Отан” партиясының кезектен тыс ХІХ съезінде алдағы 9 маусымда өтетін президент сайлауына партия атынан кандидатты жариялады. Ол – Қасым-Жомарт Тоқаев.
“Жаңа басшылыққа халық жоғары сенім артады. Партияның төрағасы ретінде мен Қасым-Жомарт Тоқаевтың кандидатурасын ұсынамын. Сенат төрағасы ретінде ол парламентаризмді дамытуға орасан зор үлес қосты”, – деген Назарбаев Тоқаевтың аталған жылдар аралығында өзінің сенімді серігі болғанын алға тартты.
