Еуропа лигасы іріктеу турнирінің плей-офф кезеңінің жолдамасы үшін “Астана” футбол клубы Беларусь чемпионы БАТЭ командасымен кездеседі. Бұл туралы fcastana.kz хабарлады.
“Валлетт” командасын айқын басымдылықпен ұтқан “Астана” клубы Беларусь чемпионы БАТЭ командасымен кездесетін болды. Осы кездесудің жеңімпазы лиганың топтық турниріне жолдама алады. Бірінші матч “Астана Арена” стадионында 22 тамызда, қарымта ойын бір аптадан кейін Борисов қаласында өтеді.
Айта кетейік, “Астана” – БАТЭ матчы сағат 20:00-де басталады.
