Көрші елдердегі эпидемиологиялық жағдайдың нашарлауына байланысты Қазақстан мемлекеттік шекарада бақылауды күшейтеді. Сейсенбі күнгі үкімет отырысында премьер-министр Асқар Мамин осындай бұйрық берді.
“Қазақстандағы жағдай тұрақты болғанымен көршілердегі жағдай ушығып барады. Сондықтан мемлекеттік шекарада бақылауды күшейтіп, эпидемиологиялық ережені қатаң сақтауды және вакцинация алу жиілігін қамтамасыз ету керек”, – деді премьер-министр.
Асқар Мамин астанада тез таралатын “үндістандық штамның” тіркелгенін еске салды. Осыған орай ол 22 маусым күні Нұр-Сұлтанда карантин шараларын күшейту үшін ведомствоаралық комиссияның отырысын өткізуді тапсырды.
