Ербол Назарбаев сыбайлас жемқорлыққа қарсы агенттіктегі қызметінен 14 сәуірде босатылды. Бұл жөнінде антикор баспасөз қызметіне сілтеме жасап vlast.kz сайты хабарлады.
“26 қаңтарда агенттік төрағасының бұйрығымен Е.Назарбаев агенттіктің арнайы департаменті басшысының орынбасары қызметінен босатылды. Ол 14 сәуірде Сыбайлас жемқорлыққа қарсы қызмет органдарынан шығарылды”, – делінген антикор хабарламасында.
Ербол Назарбаев Қазақстанның бірінші президенті Нұрсұлтан Назарбаевтың інісі Болат Назарбаевтың ұлы.
