“Өмір бойы көлік жүргізу құқығынан айрылады”: Қазақстанда жүргізушілердің жазасы күшейтіледі

0
107
Photo: turkystan.kz

20 қарашада өткен Парламент мәжілісінің жалпы отырысында мас күйінде көлік жүргізгені үшін әкімшілік жазаны ұлғайту туралы заң талқыланды.

Бас прокуратура көлікті мас күйінде жүргізгені үшін жазаның қалай күшейтілетінін түсіндірді.

Заңға сәйкес мас күйінде көлік жүргізгені үшін қамау мерзімін 30 тәулікке дейін ұзартылып, көлік айдау құқығынан айыру мерзімі 8 жылға ұлғаяды.

Бас прокурордың орынбасары Марат Ахметжановтың айтуынша, көлік жүргізушісі мас болсын, сау болсын, адамды қағып өлтіргені үшін жаза бірдей.

“Енді, мас күйінде осындай қылмыс жасаған адам 10 жылға бас бостандығынан, сондай-ақ, өмір бойы көлік басқару құқығынан айырылады. Әкімшілік құқық бұзушылық кодексінде мас күйінде көлік айдағаны үшін 30 тәулікке дейін әкімшілік қамау мерзімі ұзартылып, көлік жүргізу құқығынан айыру мерзімі 8 жылға ұлғаймақ”, – деді Ахметжанов мәжілістің пленарлы отырысында.

Оның сөзіне қарағанда, осы санаттағы қылмыстар бойынша тараптардың қайта татуласуына тыйым салынады.

Айта кетейік, өзгерістердің бәрі “Қазақстан Республикасының кейбір заңнамалық актілеріне қылмыстық және қылмыстық-процестік заңнаманы жетілдіру мәселелері бойынша өзгерістер мен толықтырулар енгізу туралы” заң жобасында көрсетілген.

Бүгін мәжіліс депутаттары осы құжатты бірінші оқылымда қарады.

Бұған дейін Қазақстан президенті Қасым-Жомарт Тоқаев көлікті ішімдік ішіп алып жүргізетіндерге қатысты жазаны қатаңдатуды тапсырған болатын.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз