Тоқаев жыл соңында маңызды жиын өткізеді

0
149
Қазақстан президенті Қасым-Жомарт Тоқаев.

20 желтоқсанда Қазақстан президенті Қасым-Жомарт Тоқаевтың қатысуымен Ұлттық қоғамдық сенім кеңесінің отырысы өтеді. Бұл туралы президент әкімшілігі басшысының бірінші орынбасары Дархан Қалетаев айтты.

“Жоспар бойынша ол жиырмасында мемлекет басшысының қатысуымен өтуі тиіс”, – деді ол Тоқаевтың жолдауына арналған ғылыми-тәжірибелік конференцияның кулуарында.

Ұлттық қоғамдық сенім кеңесі – Қазақстан президенті жанындағы консультативтік-кеңесші орган. Оның ережесі мен құрамын Қасым-Жомарт Тоқаев 2019 жылдың шілдесінде бекітті.

Ұлттық кеңестің қыркүйек айында өткен алғашқы отырысында спикерлер зейнетке шығу жасын қайта қарауды, өлім жазасын жаза ретінде алып тастауды, сайлау заңнамасын реформалауды және мемлекеттік тілдің мәртебесі туралы заң қабылдауды ұсынды.

Ұлттық кеңес мүшелері үш топқа бөлінді: экономика, саяси модернизация және әлеуметтік-мәдени мәселелер жөніндегі жұмыс тобы. Ұлттық кеңестің төрағасы – Қазақстан президенті.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз