Неймар ПСЖ-ға 2017 жылы «Барселонадан» рекордты баға 222 миллион еуроға ауысып келген болатын. Бразилиялық футболшы “Барселона” құрамасында төрт жыл қатарынан ойнады. Қазіргі уақытта “Париж-Сен-Жерменнің” құрамасында. Енді Неймар Реал Мадридке де баруға дайын екендігін жеткізді.
Ол үшін Бразилиялық «Корольдік клубтан» апта сайын 1,3 миллион еуро жалақы сұрады. Осыған дейін 27 жастағы шабуылшы ПСЖ-нен аптасына шамамен 700 мың еуро алды. Қазіргі уақытта «Реал Мадрид» Гарет Бэйлді босату және Неймардың өтініштерін қанағаттандыру шешімін қарастыруда. 2018-2019 маусымында Неймар ПСЖ-де 28 матч ойнады, 23 гол соқты және 13 нәтижелі пас берді.
