24 желтоқсан күні Ақордада Қазақстан президентінің баспасөз хатшысы Берік Уәли журналистерге брифинг өткізіп Қасым-Жомарт Тоқаевтың осы жылы жасаған жұмыстарына тоқталды.
Президент 20 наурыздан бері 45 заңға, 226 жарлыққа, 68 өкімге қол қойған.
Тоқаевтың виртуалды қабылдауына 1 тамыздан бері 15 669 өтініш түскен. Баспасөз хатшысының айтуынша, барлық өтінішке тиісті жауап берілген.
Сондай-ақ, Берік Уәли президенттің әлеуметтік желідегі парақшаларына да тоқталып өтті.
Жиын соңында президенттің жұмысы мен мемлекеттік саясатты насихаттаған журналистер “Алғыс хатпен” марапатталды.