7 қараша күні АҚШ-тағы президент сайлауында жеңіске жеткен Джозеф Байденге Қазақстан президенті Қасым-Жомарт Тоқаев пен бұрынғы президент Нұрсұлтан Назарбаев құттықтау жолдады.
Президент Тоқаев өзінің Twitter парақшасында Байденге ағылшынша құттықтау жазды. Ол жаңадан сайланған президентке табыс тілеп, екі елдің арасындағы байланыстың нығаятынына сенім білдіретінін айтты.
My sincere congratulations to Mr Joe Biden @JoeBiden on his election as President of the United States of America. Look forward to having productive cooperation between our two countries in the areas of mutual interest.
— Qasym-Jomart Toqayev (@TokayevKZ) November 7, 2020
Нұрсұлтан Назарбаев, Джозеф Байденге жіберген жеделхатында оны АҚШ президенті лауазымына сайлануымен құттықтады. Назарбаев Байденге сәттілік тілеп, 2010 жылы Вашингтонда ядролық қауіпсіздік жөніндегі саммит аясында өткен кездесуді, сондай-ақ олардың арасындағы телефон арқылы болған келіссөздерді жылы сезіммен еске алатынын атап өтті.
