Ұлттық денсаулық сақтау институтының (NIH) ғалымдары коронавирус індетінің адам миына еніп, онда 230 күнге дейін тұрақтауы мүмкін екенін айтты. Бұл туралы lenta.ru сайты хабарлады.
“Коронавирус дененің көптеген мүшелеріне, атап айтқанда жүрек пен миға еніп, жеті айдан астам уақыт тұрақтай алады”- делінген хабарламада.
Ғалымдардың зерттеуінше, коронавирус дененің барлық мүшелерінен табылған. Тіпті бұл коронавирустың жеңіл белгілері бар науқастарда да кең таралған. Алайда бұл зерттеуді әзірге тәуелсіз сарапшылар тексерген жоқ.
