14 желтоқсанда футзалдан Қазақстан құрамасы өз алаңында Нидерландыдан 2:0 есебімен басым түсіп Өзбекстанда өтетін әлем чемпионатына жолдама алды.
Үшкемпіров атындағы жекпе-жек сарайында өткен ойынның 1 минутында Біржан Оразов командасын алға шығарса, 7 минутта Дуглас Джуниор есепті еселей түсті. Ойынның екінші бөлігінде гол соғылған жоқ.
Айта кетейік, Қазақстан ұлттық құрамасы 20 желтоқсан күні Өзбекстанда өтетін әлем чемпионатының іріктеу кезеңіндегі соңғы ойынын Румынияға қарсы өткізеді.
Еске салайық, бұған дейін ел президенті Қасым-Жомарт Тоқаев футзалдан Қазақстан мен Нидерланды арасындағы ойынды тамашалауға келетінін айтқан еді. Бүгін ол халықпен бірге Үшкемпіров сарайында ұлттық құрамаға жанкүйер болды.
