Сенат депутаттарының сайлауы 12 тамызда өтеді

0
169
Қазақстан парламенті Cенатының ғимараты.

Қазақстан президенті Қасым-Жомарт Тоқаев сенат депутаттарының сайлауын 12 тамызға белгілеу туралы жарлыққа қол қойды. Бұл туралы Ақорда сайты хабарлады.

Жарлық қол қойған күннен бастап күшіне енеді.

Қазақстан заңнамасына сәйкес, сенатқа әр облыс пен республикалық маңызы бар қалалардан екі адамнан сайланады. Депутаттардың 34-ін мәслихат депутаттары сайлайды, қалған 15-ін президент тағайындайды.

Жоғарғы палата депутаттарының өкілеттік мерзімі – алты жыл. Әрбір үш жылда өкілеттігі аяқталған депутаттар қайта сайланады. Соңғы рет сенат депутаттарын сайлау 2017 жылы өткен.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз