Қазақстандық Шавкат Рахмонов (17-0) UFC жартылай орта салмақ рейтингінде алтыншы орынға көтерілді, деп хабарлайды Kazaknews.kz тілшісі.
Лас-Вегаста өткен UFC 285 турнирінде Шавкат Рахмонов қылқындыру әдісімен үшінші раундта Джефф Нилді (15-5) жеңген болатын. Осылайша Шавкат 17 жекпе-жек өткізіп, барлығын жеңіспен аяқтаған. Оның ішінде бесеуін UFC аренасында өткізіп, барлығында да уақытынан бұрын жеңіске жеткен.
Рахмоновтың бұл жекпе-жектегі гонорары 171,5 мың АҚШ долларын құрады. Оның ішінде жалпы жекпе-жек үшін 36 мың, жеңісі үшін 36 мың, демеуші тарапынан 6 мың, және үздік жекпе-жек көрсеткені үшін 50 мың доллар алды. Бұдан бөлек қарсыласының салмағы белгіленген нормадан асып кеткені үшін Джефф Нилден айыппұл ретінде 43,5 мың доллар алды.
 UFC жартылай орта салмақ рейтингінде алтыншы орынға көтерілді, деп хабарлайды Kazaknews.kz тілшісі.){kind=link}