22 қыркүйекте Ұлттар лигасының 5 турындағы матчта Қазақстан құрамасы өз алаңында Беларусь құрамасын қабылдап, 2:1 есебімен жеңіске жетті, деп хабарлайды Kazaknews.kz тілшісі.
Қазақстан футбол құрамасы топтық кезеңнен 5 ойыннан кейін 13 ұпай жинап, еш кедергісіз келесі B тобына өтті. Қазақстан құрамасына Ұлттар лигасының С тобындағы жеңісі не береді?
Қазақстандық комментатор Петр Воликовтың хабарлауы бойынша 9 қазанда Франкфуртте ЕУРО-2024 іріктеу кезеңінің жеребесі тартылады. Жеребеге тартылатын құрамалар Ұлттар лигасының қорытындысы бойынша бекітіледі.
ЕУРО-2024 іріктеу матчтары 2023 жылдың 23 наурызынан 21 қарашасына дейін өтеді. Ұлттар Лигасының үздік командалары – A, B және C дивизиондары арасында Еуро-2024 үшін 3 жолдамаға арналған іріктеу матчы болады. Егер өз топтарының жеңімпаздары әдеттегі іріктеу арқылы ЕУРО-2024-ке өтетін болса, онда олардың орнын рейтинг бойынша кейін тұрған құрама алмастырады.
Іріктеу матчтары 4 командадан тұратын шағын турнир форматында өтеді: 2024 жылғы 21 наурызда – бір матчтық жартылай финал, 2024 жылғы 23 наурызда – финал.
Жалпы, Қазақстан құрамасының енді 2024 жылғы наурыздағы екі матчтан кейін ЕУРО-2024-ке жолдама алу мүмкіндігі пайда болды. Себебі Қазақстанның қарсыластары Грекия (өз тобында мерзімінен бұрын жеңіске жетті), жақында оған Түркия және Грузия немесе Солтүстік Македония жұптарының бірі қосылады.
