Жаңа Зеландияның Оңтүстік аралында бір аптадан бері толастамай жатқан орман өрті қайта өршіп, бірнеше мың адам үйлерін тастап кетуге мәжбүр болды. Бұл туралы Nzherald агенттігі хабардады.
Өрт 2300 гектар аумақты жалмады. Бұған қоса таяу сағаттарда желдің күшеюі мүмкін. Бұл табиғат апаты аумағын одан әрі ұлғайта түспек. Тілсіз жауды ауыздықтауға 150 өрт сөндіруші жұмылдырылған. Бұған қосымша 23 тікұшақ тартылды. Елдің тарихында мұндай ірі өртті сөндіру операциясы бұрын-соңды болмаған .