30 мамыр күні Нұр-Сұлтан қаласындағы Политехникалық колледждің 25 жылдығына арналған “Индустрия 4.0 жағдайындағы колледж: дәстүрлер мен функциялардың трансформациясы” атты конференция өтті.
Конференция барысында пленарлық отырыс, “Индустрия 4.0: мәселелер, жаңа мүмкіндіктер”, “Цифрлық трансформация жағдайында өнеркәсіпті дамыту”, “Заманауи экономика мен өнеркәсіпке мамандар даярлау” тақырыптарында 3 панельдік сессия және инновациялық жабдықты қолдану бойынша шеберлік сыныптары жүргізілді.
Республикалық конференцияда төртінші өнеркәсіптік төңкеріс жағдайындағы білім беру міндеттері, колледждің рөлі: ХХІ ғасырда дәстүрлер мен функциялардың трансформациясы, техникалық сала бойынша заманауи маман дайындаудың ерекшеліктері, кәсіптік білім берудің рөлі талқыланды.
Конференцияға Нұр-Сұлтан қаласы әкімінің орынбасары М.Е. Бектурова, ҚР Білім және ғылым министрлігінің вице-министрі Э.А. Суханбердиева, ҚР қаржы вице-министрі Р.С. Енсебаев, Нұр-Сұлтан қаласы Білім басқармасының басшысы А.Қ. Жангозин және басқа да білім ордаларының директорлары мен оқытушылары, колледж түлектері мен еңбек ардагерлері қатысты.
Жиын соңы концерттік бағдарламаға ұласып алғыс хаттар табысталды.
