24 тамыз күні Токиода ХVI-шы жазғы паралимпиада ойындары басталады. Дода 24 тамыз бен 5 қыркүйек аралығында өтеді. Бұл туралы ұлттық паралимпиада комитеті хабарлады.
Паралимпиада ойындарының ашылу салтанатын қазақстандықтар кешкі сағат 16:50-де Qazsporttv арнасынан тікелей эфирде тамашалай алады.
XVI Паралимпиада ойындарына еліміздің атынан 7 спорт түрінен 25 пара спортшы аттанды. Осылайша, Қазақстан өз тарихында паралимпиадаға қатысатын спортшы санының рекордын бұзды.
Оқи отырыңыз – 24 тамызда Токио 2020 Паралимпиада ойындары басталады
Аталған жолдамалардың жетеуі – суда жүзуден, алтауы – дзюдодан, бесеуі – пауэрлифтингтен, үшеуі – таеквондодан, екеуі – жеңіл атлетикадан. Сонымен қатар отандық спортшылар алғаш рет каноэде ескек есу мен оқ атудан жолдама иеленді.
