Бейсенбі күні денсаулық сақтау вице-министрі Марат Шоранов Pfizer компаниясы Қазақстанға коронавирусқа қарсы вакцинасын 14 қарашаға дейін жеткізуге уәде бергенін айтты. Бұл жөнінде Vlast.kz сайты хабарлады.
“Pfizer вакцинасы 8-14 қараша аралығында жеткізілуі тиіс” деді Шоранов.
Вице-министрдің сөзінше, Қазақстан мен Pfizer арасында жасалған келісімге сай екпе тасымалданады. Елге 4 млн вакцина жеткізіледі. Ол 2 млн адамға екпе егуге жетеді.
6 қазанда денсаулық сақтау министрі коронавирусқа қарсы Pfizer екпесінің 4 миллион дозасын елге жеткізу бойынша келісім жасалғанын хабарлаған еді. Германиялық ғалымдар ойлап тауып, АҚШ-та шығарылатын бұл екпенің тиімділігі 95 пайыздан асады. Pfizer – ДДСҰ мен Еуропа алғаш мойындаған вакциналардың бірі.
Қазақстанда бұл вакцина бірінші кезекте 12-17 жастағы жасөспірімдерге және жүкті әйелдерге салынады.
