Оқи отырыңыз: Жазғы азия ойындары жақын қалды
Тамыздың 18 күні Индонезия астанасы Джакартада және Суматра аралында орналасқан Палембанг қаласында Азия ойындары басталады. Жарыста спорттың 40 түрінен 465 медаль сарапқа салынады. Дүбіріл додаға 45 мемлекет қатысқалы отыр.
Қазақстан велоспорт федерациясы Азия ойындарына қатысатын велошабандоздардың тізімін нақтылады. Отандық велошабандоздар ел намысын үш бөлім бойынша қорғайды. Олар: тас жол, трек және маунтинбайк. Бапкерлердің айтуы бойынша спортшыларымыз шет елде және елімізде дайындықтарын әбден пысықтаған. Баптарында екендігі байқалады. Ендігі жағдай тек уақыттың еншісінде.
