Орта салмақтағы WBA, WBC, IBF, IBO чемпионы Геннадий Головкин мен Ванес Мартиросян 5 мамырда өтетін жекпе-жегі қарсаңында ашық жаттығулар өткізді. Сонымен қоса матч алдында алғаш рет бетпе-бет жүздесті.
Еске саламыз, Геннадий Головкин бастапқыда мексикалық Сауль Альвареспен жұдырықтасуы тиіс болатын. Дегенмен, мексикалық боксшының допинг сынамасынан өте алмауына байланысты ол жарты жылға бокстан шеттетілді. Головкин мен Мартиросян арасындағы кездесу 5 мамырда Лос-Анджелестің маңындағы Карсон қаласының StubHub Center аренасында өтеді.
