Қазіргі таңда әлеуметтік желілер адам өмірінің ажырамас бөлігіне айналды. Әсіресе жастар үшін ол тек қарым-қатынас құралы ғана емес, сонымен қатар ақпарат алмасу, өзін көрсету және уақыт өткізу алаңы болып отыр. Дегенмен, оның пайдалы тұстарымен қатар, кері әсерлері де аз емес.
Бір жағынан, әлеуметтік желілер жастарға үлкен мүмкіндіктер береді. Олар әлемнің түкпір-түкпіріндегі жаңалықтардан хабардар болып, түрлі білім көздеріне қол жеткізе алады. Сонымен қатар, шығармашылықпен айналысатын жастар өз өнерін көпшілікке таныстырып, дамуына жол ашады. Бұл әсіресе қазіргі заман талабына сай өте маңызды.
Алайда, әлеуметтік желінің зиянды жақтары да бар. Көптеген жас уақытын босқа өткізіп, тәуелділікке ұшырап жатады. Бұл олардың оқуына, денсаулығына және психологиялық жағдайына кері әсер етеді. Сонымен қатар, желідегі жалған ақпарат пен салыстыру сезімі жастардың өз-өзіне деген сенімін төмендетуі мүмкін.
Осы мәселені шешу үшін ең алдымен уақытты дұрыс басқару қажет. Әлеуметтік желіні тек пайдалы мақсатта қолдану, шектеу қою – әрбір жастың өз қолында. Ата-аналар мен мұғалімдер де бұл бағытта дұрыс бағыт-бағдар беруі тиіс.
Қорытындылай келе, әлеуметтік желі – екі қырлы құрал. Оны қалай қолдану әр адамның өзіне байланысты. Егер дұрыс пайдалана білсек, ол бізге үлкен пайда әкеледі, ал керісінше жағдайда зияны басым болуы мүмкін.
Әминай Тұрар, 11-сынып оқушысы
