Қазақ фильмі әлемдік кинофестивальде

0
16

Қазақтың тенор дауысты біртуар әншіcі Әміре Қашаубаевтың ғұмырын баяндайтын «Әміре» көркем фильмі мамыр айында екі бірдей фестивальге қатысып жатыр. Олар: АҚШ-та мамырдың 8-і мен 26-ы аралығында өтіп жатқан Washington Jewish Film Festival және Ұлыбританияда мамырдың 27-і мен 30-ы аралығында өтетін Carmarthen Bay Film Festival кинофестивальдері

Әміре Қашаубаев 1925 жылы Франция астанасында болған сонау әлемдік көрмеде «Балқадиша», «Ағаш аяқ», «Жалғыз арша», «Қос балапан» «Қанапия», «Үш дос» әндерін орындап, әлемді өзінің ерекше дауысымен баураған әнші.

Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ және Әлидар Өтемұратовтың «Dar Play» компаниясымен бірлесе отырып ”Әміре” кино картинасы жарық көрген болатын. 

– «Әмре» фильмі көптеген халықаралық фестивальдерге қатысып жатқанына, оның ішінде АҚШ пен Ұлыбританияда көрсетілетініне өте қуаныштымын. Фильм көпшіліктің көңілдерінен шығып жатыр, оны көрермендердің  әсерінен бірден байқауға болады. Сондықтан да, Әміренің ғажап дауысын бүкіл әлем естуі керек деп ойлаймын, – деді фильмнің режиссері Джефф Веспа.

Айта кетсек, былтыр «Әміре» фильмі бірқатар халықаралық кинофестивальдерге қатысып, беделді наградаларға ие болды. Атап айтсақ, бұл фильм Лос-Анджелесте өткен Hollywood Film Festivalфестивалінде «Silver Screen Prize» және «Global Grand Jury Prize»  сыйлықтарымен, сондай-ақ Ұлыбританияда өткен Manchester International Film Festival фестивалінде «Үздік қоюшы суретші» және АҚШ-та өткен WorldFest Houston  фестивалінде REMI Platinum award жүлдесімен марапатталды. Сондай-ақ жақында ғана «Әміре» фильмі Richmond International Film & Music Festival кинофестивалінде екі бірдей жүлдеге ие болды: «Үздік оқиғалы фильм» және фильмде басты рөлді сомдаған Санжар Мәди «Үздік актер».

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз