27 тамызда Қазақстан мен Түркия арасындағы әуе қатынасы ашылады. Бұл туралы индустрия және инфрақұрылымдық даму министрлігі хабарлады.
“COVID-19 таралуының тұрақталуы мен жақсаруын ескере отырып, Түркия тарапы Қазақстаннан жолаушылардың кіруіне шектеулерді алып тастау туралы шешім қабылдады. 27 тамызда екі ел арасында тұрақты жолаушылар рейстеріне шектеулер алынады”, – деп мәлімдеді министрлік.
Министрлік мәліметінше, рейстер Қазақстан мен Түркияның санитарлық-эпидемиологиялық нормаларын қатаң сақтай отырып орындалмақ. Кестені әуе компанияларының сайтынан көруге болады.
Еске салайық, 5 тамызда Түркия қазақстандық жолаушылардың кіруін шектеген еді.
