14-24 шілде аралығында Ресейдің Санкт-Петербург қаласында қашықтықтан өткізілген 62-ші Халықаралық математика олимпиадасы (IМO) өз мәресіне жетті. Қазақстан атынан қатысқан оқушылар бір алтын, үш күміс, екі қола еншіледі.
Биылғы IМO-ға әлемнің 107 елінен 600 астам оқушы қатысты.
АЛТЫН | #Мырзатай_Айбек – Атырау қ. дарынды балаларға арналған «Білім- инновация» лицей – интернатының 11 сынып оқушысы –;
КҮМІС | #Дуйсенбеков_Данат – Нұр-Сұлтан қ. «Spectrum» халықаралық мектебінің 12 сынып оқушысы;
КҮМІС | #Сатубалдин_Таир – Алматы қ. физика-математика бағытындағы Назарбаев Зияткерлік мектебінің 11 сынып оқушысы;
КҮМІС | #Сам_Фетуллах – Нұр-Сұлтан қ. дарынды балаларға арналған «Білім- инновация» лицей – интернатының 11 сынып оқушысы;
ҚОЛА | #Олжабаев_Асылбек – Алматы қ. физика-математика бағытындағы Назарбаев Зияткерлік мектебінің 12 сынып оқушысы;
ҚОЛА | #Баймурзин_Рахим – Қарағанды қ. химия-биология бағытындағы Назарбаев Зияткерлік мектебінің 11 сынып оқушысы.
Қазақстан құрама командасы дәстүрлі түрде алты қатысушыдан құралған. Олимпиадашыларымызды IMO-2021-ге шыңдап дайындаған өткен жылдардағы халықаралық математикалық олимпиадалардың бірнеше дүркін жеңімпаздары екенін айта кеткен жөн.
Былтыр Қазақстан құрамасы 3 күміс, 2 қола медаль және 1 құрмет грамотасына ие болған. Ел қоржынына алтын соңғы рет 2017 жылы түскен еді.
 өз мәресіне жетті. Қазақстан атынан қатысқан оқушылар бір алтын, үш күміс, екі қола еншіледі.){kind=link}